Zindaan Main !!!!!!!

7:07 PM Posted In , Edit This 0 Comments »

Pehna Do Mujhe Berian 
Kardo Kalam Sar
Halaat Ke Khanjar Se
Seena Chaak Bhi Kardo
Zar Ka Zehar Mere
Laho Main Dorao
Mujhe Dasht e  Veeran Main
Korey Lagao
Umeed e Hasrat E Jaan
Dil Main Basi Hai
Neend Aagye Per
Ye Kyun Jagi Hai
Ye Jitney Mere Khawab Hain
In Sub Ko Jalado 
Mujhe Qaid-e- Misl-e- Zindaan
Bana Do
Meri Khwahishon Ka Chahra
Maskh Bhi Kardo
Jo Khwab Cheekhain
To Katal Bhi Kardo
Kisi Bhi Aah Pe Koi
Taras Na Khao
Mera Wajood Ghareeb Hai
Mujhe Korey Lagao 
Pehna Do Mujhe Berian
Kardo Kalam Sar
Ke Junoon Ke Samander Main
Khaak Mili Hai
Jazbaat Jitne Bhi They
Bik Gaye Saaray
Lafz Jitne Bhi They Mar Gaye Saary
Uthao Mere Laashay Ko
Nashtar Lagao
Jissey Jhukna Nahi Aata
Ussey Ye Kartab Dikhao
Ke Wajood Jis Ka Bhi Ghareeb Ho
Ussey Korey Lagao

Kissa Hasraton Ka !!!

5:34 PM Posted In , Edit This 0 Comments »

Dard jo Photey Dil Jalta Hai
Hasraton Ka Yehi Kissa Hai

Paas Hain Aanson Ghum ke Moti
Apna Yahan Kia Ye Hissa Hai

Bhool ke Dil Pe Sang Rakhtey Hain
Ye Katal Yahan Kitna Saasta Hai

Rooz Milain Gey Bus Ye Fikray
Pora Kahan Koi Milta Hai 

Aao Chalain Hum Reete Zamana
Daikhain Zara Ab Kon Bikta Hai

Khamoshi Ke Saaye Hain Ghere
Shoor Yahan Kitna Goonga Hai


         Hasratoon Ka Ye Hi Kissa Hai ............

Dikhta Hai Zindagi Ka Rang !!!

11:45 PM Posted In Edit This 0 Comments »

Main le Chala Hun Tumhain
Zindagi Ke Rangon Main
Bahar Ke Moasam Main
Dil Kashi Ke Naghmon Main
Junoon Karta Hai
Humain Salam Raston Main
Payam Deti Hain
Khushyan Humari Chokhat Pe
Rang Khilta Hai
Jo Bhi Humarey Chahron Pe
Humain Bata Ta Hai
      Mili Hai Zindagi Humain.......

Badaltay Waday !!!

11:36 PM Posted In Edit This 0 Comments »

Ik Baar Chali Jaye To Aati Hi Nahi Hai 
Ye Neend To Meri Saanson Ki Tarhan Hai

Ujla Hai Takhayul Teri Yadon Se Lekin
Aankhon Main Andheri Raton Ki Tarhan Hai

Har   Rut   Badalta   Hai    Dukh Ka Mosam
Ye Zalim Bhi Tere Waday Ki Tarhan Hai

Mere Ankh Nam Daikh Kar Roya Nahi To Bhi
Teri Ankh Bhi Daikhnay Walon Ki Tarhan Hai

Tujh Se Dur Rehna Hai Sadyun Ka Safar Ab
Ye Shab-e-Hijar Kaaye Salon Ki Tarhan Hai


Benaam Rishta !!!!!!!

11:28 PM Posted In Edit This 0 Comments »

Ye Benam Sa Rishta Hai 
Darmian Jo Hamarey
Mujhe Bohat Aziz Hain
In Lafzon ke Saharey
Yun To Kuch Bhi Na Kaha
Tu Ne
Na Kuch Sunna Main Ne
Dil Main Basa Hai Jo
Magar Gonjta Bohat Hai
Thar Thar Kaanpti Hain
Takhayul Ki Dewarain
Junoon Cheekhta Hai
Ke Woh Tum Ko Pukarey
Kuch Aisa Ho Ke Roh Main
Ghul Jao Kabhi To
Khwabon Main Sahi
     Mere Ho Jao Kabhi To....

Jub koi Saath Chaltey Kho Jaye !!!!!

10:27 PM Posted In Edit This 0 Comments »

Main Jo Khud Se Bichra to Safar Aisa Tha
Mere Samne Tanhayun Ka Ghar Aisa Tha 

Ye kis moor pe zindagi ki qaza aaye hai 
TU!!!!!! waqt badal deta agar aisa tha 

jo khwaab tarashe the ,sub fana hoe 
meri zindagi pe sach ka asar aisa tha 

tere baad bhi zinda hun ajeeb tha yeh 
main yeh maan nahi sakta,magar aisa tha 

joo shaher se guzroon too loog hanste hain 
Meri ashufta saarri ka zikar aisa tha !!!!!!